Taktu fram prjónana, heklunálina eða annað handverk, nú eða bara kjaftavaðalinn og vertu með okkur í notalegri stemningu í Ólafíustofu, Pilestredet Park 20, 0176 Oslo. Húsið opnar kl 18:00. Léttar veitingar í boði. Við hlökkum mikið til að sjá ykkur!

Verið hjartanlega velkomin í Hrekkjavökufjör og Allra heilagra messu í Kristiansand þann 24. október kl. 13.00. Við byrjum á líflegum sunnudagaskóla og svo verður samvera í anda hrekkjavökunnar á eftir. Hrekkjavökuboðið passar fyrir börn á öllum aldri. Öllum frjálst að mæta í Hrekkjavökubúningum ef áhugi er fyrir hendi. Pálínuboð á eftir. ?❤️ Hlökkum til að sjá ykkur.

Við bjóðum ykkur hjartanlega velkomin á Ólafíuhátíð Íslensku kirkjunnar í Noregi. Að þessu sinni verðum við með messu í Bøler kirkju kl 14:00 þann 25. október. Ískórinn sér um að leiða sönginn. Sr. Lilja Kristín Þorsteinsdóttir leiðir stundina og Íslendingafélagið sér um Pálínuboðið á eftir. Hugguleg stemning í kirkjukaffinu þar sem hægt verður að tylla sér niður og eiga gott spjall. Þar fer einnig fram fjáröflun fyrir Ólafíusjóð og verður tekið við frjálsum framlögum. Stundin er mjög fjölskylduvæn og öll hjartanlega velkomin. Við hlökkum til að sjá ykkur öll!