KIRKJUSTARF

Kirkjustarfið er fjölbreytt og í stöðugri uppbyggingu. Leitast er við að efla starf víðs vegar um landið með tengiliðum á hverjum stað fyrir sig. Sem dæmi um það má nefna barna- og unglingastarf sem hefur verið haldið úti um árabil á fleiri stöðum.

Unglingastarf hefur verið miðað við 13-20 ára. Starfið hefur verið öflugt síðan það hófst árið 2008, mjög fjölbreytt starf sem leggur áherslu á gott samfélag og dagskrá sem passar hverjum hópi fyrir sig.

Í Ólafíustofu hefur nokkuð reglulega verið boðið upp á Krílakaffi og Gæðastundir. Í Krílakaffi eiga foreldrar og forráðamenn ungra barna saman notalega stund með söng og notalegu spjalli. Gæðastunda hópurinn hittist að jafnaði einu sinni í mánuði yfir léttum hádegisverði og margvíslegri dagskrá og/eða spjalli.

Mánaðarlegar guðsþjónustur sem hluti af föstu helgihaldi hafa verið í Ósló, Kristiansand og Sandefjord. Einnig má nefna jólahátíðir, sem hafa verið fastur liður víða um landið, og sjómannadagsmessu í Tromsø.

Það er einnig stefna kirkjunnar að bjóða upp á margvísleg námskeið og fræðslu fyrir fullorðna, s.s. sjálfsstyrkjandi námskeið og uppbyggjandi fræðslu.

Sjálfboðaliðastarf er þýðingarmikið fyrir allt starf kirkjunnar. Það er fjölbreytt starf og margir möguleikar fyrir áhugasama.