Vegna þeirrar umræðu sem komið hefur upp í fjölmiðlum og á samfélagsmiðlum í Noregi um skráningu einstaklinga í einstök trúfélög vill Íslenska kirkjan í Noregi koma eftirfarandi á framfæri;
Allar ábendingar frá einstaklingum sem telja sig hafa verið skráða í kirkjuna án samþykkis verða teknar alvarlega.
Kirkjan mun hefja ítarlega yfirferð á félagaskrá sinni og skráningarferli til þess að tryggja að öll skráning einstaklinga sé í samræmi við gildandi reglur í Noregi.
Við viljum jafnframt leggja áherslu á að einstaklingar sem hafa spurningar eða athugasemdir varðandi skráningu sína hjá Íslensku kirkjunni í Noregi geta haft samband við kirkjuna á netpóstfangi kirkjan@kirkjan.no. Brugðist er við öllum slíkum erindum.
Á heimasíðu Brønnøysundregister https://www.brreg.no/ er hægt að sjá hvort og í hvaða trúfélag fólk er skráð með því að skrá sig inn með rafrænum skilríkjum/ BankId á Mine sider.
Við þökkum þeim sem hafa vakið athygli okkar á málinu og munum fylgja því eftir..
Fyrir hönd Íslensku kirkjunnar í Noregi
sr. Lilja Kristín Þorsteinsdóttir
