Hausthátíð Osló á Sognsvann
Við áttum yndislega stund saman við Sognsvann á sunnudaginn þar sem veðrið lék okkur þó það hefði verið aðeins óstöðgt dagana á undan.
Sr. Lilja bauð um á söng og haustföndur í sunnudagaskólanum, Íslendingafélagið í Osló grillaði pylsur ofan í allan hópinn og bauð upp á ljúffengar skúffukökur.
Einar stökk svo í skarðið fyrir Rebekku og stýrði fyrstu barnakóræfingu haustsins hjá Litlu Laffí en þau eru að byrja að æfa undir metnaðarfullt verkefni sem verður flutt í Sentralen í nóvember. Við hvetjum öll börn sem hafa gaman að söng að prófa að mæta á æfingu hjá krúttlegasta kórnum.
Á eftir notalegri stund var ljúft að sitja á teppi við vatnið og spjalla saman, krakkarnir busluðu í vatninu og nutu þess að föndra og leika í góða veðrinu. Dásamlegur dagur.
Hjartans þakkir öll fyrir samveruna
