Íslenska kirkjan lýsir yfir djúpri sorg vegna andláts Haralds V. konungs. Fyrir hönd safnaðarins sendum við konungsfjölskyldunni og öllum sem syrgja samúðarkveðjur okkar og biðjum þeim guðsblessunar.
Hugur okkar er hjá þeim sem syrgja. Berum þau á bænarörmum,
kveikjum ljós og sameinumst í bæn.
Eilífi Guð,
Við komum til þín í sorg og þakklæti.
Við þökkum þér fyrir Harald konung, fyrir langa ævi hans,
trúa þjónustu hans og umhyggju og kærleika sem hann sýndi fólki sínu.
Við þökkum þér fyrir vonina sem hann færði, fyrir orðin sem sameinuðu og fyrir reisnina sem hann sýndi í gleði og mótlæti.
Haltu þinni vernandi hendi yfir drottningunni, konungsfjölskyldunni og öllum sem syrgja. Umvef þau kærleika þínum og gef þeim huggun, styrk og
frið á þessum erfiða tíma.
Blessaðu norska þjóð og þau öll er hér búa. Hjálpaðu okkur að standa saman í þakklæti, virðingu og von. Gef að við fáum heiðrað líf og minning konungsins með því að annast hvert annað og leita þess sem skapar frið, réttlæti og samfélag.
Eilífi Guð
Við felum líf og minningu Haralds konungs í þínar hendur,
í trausti á kærleika þinn sem er sterkari en ótti okkar og sorg.
Gefðu okkur öllum styrk til að takast á við dagana framundanþ
Við biðjum þessa í Jesú nafni. Amen
Kongehuset
