Aðventuhátíðin okkar verður haldin þann 23.nóvember kl 14:00 í Bøler kirkju. Það ríkir mikil spenna fyrir deginum og heyrðum við hljóðið í Ingu Þyri söngkonu sem spilar stórt hlutverk á hátíðinni í ár.
Hver er Inga Þyri ?
Inga Þyri hefur sungið með hljómsveitum og kórum frá því hún var unglingur. Stærsta verkefnið hennar hingað til var án efa 3Raddir&Beatur ævintýrið sem flutti hana til Noregs fyrir 15 árum en síðan hefur hún sungið bakraddir fyrir ýmis þekkt nöfn, bæði hér, á Íslandi og jafnvel víðar. Nú syngur hún aðallega sóló og í Laffí.
Við sendum henni nokkrar spurningar 
Gefum Ingu Þyri orðið. 
1. Hvaðan ertu ?
Hjallahverfi í Kópavogi
2. Hvað er uppáhalds hjá þér á þessum tíma ? Ég elska smákökubakstur og að skreyta jólatréð. Svo förum við alltaf í aðfangadagssund þegar við erum á Íslandi. Það er orðin hefð hjá okkur.
3. Uppáhalds jólasveinn ?
Gáttaþefur. Ég tengi svo við svona lyktarperra hahaha
4. Uppáhalds jólalög ?
Yfir fannhvíta jörð og Það snjóar.
5. Siður á aðventunni sem þú heldur fast í ?
Ég hlusta á jólalög og syng hástöfum með gegnum allan nóvember, desember, og hálfan janúar jafnvel. Það er ekki fyrir hvern sem er að búa með mér sko.
Hlökkum til upplifa jólatöfrana með ykkur öllum þann 23.nóvember.
