Nú styttist í AÐVENTUHÁTÍÐ 2025 - BØLER KIRKJA Í OSLÓ okkar 
Við erum stolt af öllu hæfileikaríka tónlistarfólkinu okkar sem mun láta ljós sitt skína næstkomandi sunnudag.
Kynnumst þeim betur 
Hver er Bjarni Már ?
Bjarni Már Ingólfsson er gítarleikari búsettur í Oslo þar sem hann stundar mastersnám sitt í jazztónlist við Norges Musikkhøgskole (NMH). Bjarni Már hefur komið fram á mörgum af helstu jazz tónleikastöðum og viðburðum Íslands og Norðurlanda með mörgu framúrskarandi tónlistarfólki af bæði Íslensku og Norrænu djasssenunni, sem dæmi má nefna: Óskar Guðjónsson, Fredrik Ljungkvist, Lars Jansson, Linnea Jonsson o.fl Í tónlistarnámi sínu hefur hann lært undir leiðsögn nokkurra af fremstu tónlistarmönnum djass og spunatónlistar á heimsvísu á borð við Lage Lund, Steve Cardenas og Skúla Sverrissyni.
Bjarni hefur hlotið lof fyrir gítarleik sínn og tónsmíðar sínar og hefur verið kynntur sem rísandi stjarna innan Íslenska Jazzins. Hann hefur verið hljómsveitarstjóri í ýmsum verkefnum síðan 2015 sem spanna allt frá einleik til hljómsveita af ýmsum stærðum.
Bjarni verður undirleikari ásamt Benjamín Gísla píanóleikara á Aðventuhátíðinni.
